Psa 146 | NdeIBE | STEP | Dumisani uJehova. Dumisa uJehova, O mphefumulo wami.

Psalms 146

1 Dumisani uJehova. Dumisa uJehova, O mphefumulo wami.

2 Ngizamdumisa uJehova impilo yami yonke; ngizahlabela indumiso kuNkulunkulu wami nxa ngisaphila.

3 Lingabeki ithemba lenu emakhosini, ebantwini benyama, abangeke basindise.

4 Kuthi umoya wabo ungaphuma, babuyele emhlabathini; mhlalokho nje amacebo ahle abhidlike.

5 Ubusisiwe lowo osizo lwakhe lunguNkulunkulu kaJakhobe, othemba lakhe likuJehova uNkulunkulu wakhe,

6 uMenzi wezulu lomhlaba, ulwandle lakho konke okulapho – uJehova owala elokhu ethembekile laphakade.

7 Uyabalwela abacindezelwayo anike abalambileyo ukudla. UJehova ukhulula izibotshwa,

8 UJehova wenza iziphofu zibone, uJehova uyabaphakamisa labo asebebhazalele, uJehova uthanda abalungileyo.

9 UJehova uyabalinda abezizweni asekele izintandane labafelokazi, kodwa anyampise izindlela zababi.

10 UJehova uyabusa nini lanini, uNkulunkulu wakho, wena Ziyoni, ezizukulwaneni zonke. Dumisani uJehova